Кәсіби қазақ тілі пәні бойынша ұсынылып отырған оқу құралы жоғары оқу орындарындағы автомобиль шаруашылығы мамандықтарына арналған. Оқу құралында лексика мен грамматика материалдары кәсіби бағыттағы ауызша тіл дамытумен қатар жүргізіледі және «Автомобиль шаруашылығы» мамандығы бойынша Қазақстан Республикасының мемлекеттік білім беру стандартына сәйкес өнделген. Мәтіндерден, лексикалық тақырыптардан грамматикалық формаларды табу, грамматикалық талдау жасату жұмыстары студенттердің логикалық ойлауын жетілдірудің, грамматиканы қайталаудың, дұрыс сөйлеу дәрежесін меңгерудің негізгі құралы болып табылады. Студенттердің жазбаша кәсіби тілін дамыту мақсатында әр түрлі жазбаша жұмыстары жүргізіледі. Осыған орай оқу құралында жазба жұмыстарына жататын тапсырмалар берілген. Оқу құралы кәсіптік оқу орындарының техникалық мамандық студенттері мен техникалық лицей оқушыларына арналған. Абай атындағы Қазақ ұлттық педагогикалық университетінің қазіргі қазақ тілі және оны оқыту әдістемесі кафедрасы және университетінің оқу-әдістемелік бірлестігі ұсынған.